Minni hundar velkomnir alla daga

Það hefur gengið ljómandi vel á sunnudögum og nú eru litlir hundar velkomnir í Kringluna alla daga!

Síðustu ár hefur tilraunaverkefni með að leyfa heimsóknir minni hunda á sunnudögum staðið yfir.

Í ljósi þess hve vel hefur gengið eru hvuttar nú velkomnir með eigendum sínum í Kringluna, hvort sem er til að koma með á kaffihús, kíkja í verslanir eða njóta þess að sitja á útisvæði þegar veður leyfir.

Leyfið nær ekki til matvöruverslana og snyrtistofa. Eigandi ber alla ábyrgð á hundinum sem verður að vera í bandi og er skylt að þrífa upp eftir hann ef "slys" verða. Skilgreiningin "litlir hundar" á við hund sem hægt er að taka í fangið, verði hundur og/ eða viðskiptavinur hræddur.

Halda þarf á hundi í rúllustiga eða nota lyftu milli hæða.

Eigendur taki tillit til annarra Kringlugesta í hvívetna.