Kringlan tilnefnd til alþjóðlegra verðlauna
Við erum stolt að segja frá því að auglýsingaherferð Kringlunnar, sem unnin var í samstarfi við auglýsingastofuna Kontor Reykjavík, hlaut tilnefningu til alþjóðlegu hönnunarverðlaunanna Brand Impact Awards.
Það er einnig gaman að segja frá því að þessi tilnefning er sú eina íslenska hjá Brand Impact Award en verðlaunin verða veitt í London 10. september næstkomandi.
Hér má sjá myndir úr herferðinni:
Tímaritið Computer Arts og vefsíðan Creative Bloq standa fyrir verðlaununum Brand Impact Award sem veitt eru fyrir verk sem skarað hafa fram úr í heimi skapandi hönnunar og mörkunar (branding). Meðal sigurvegara Brand Impact Awards síðustu ára má nefna BBC, McDonalds, Carlsberg o.fl.
Auglýsingaherferð Kringlunnar hefur vakið mikla athygli fyrir snjalla og nýstárlega útfærslu og sýnir Kringluna sem leiðandi verslunarmiðstöð með óendanlega mikið vöruúrval.
Jólaauglýsingar Kringlunnar þóttu t.a.m bera vott um djarfa og frumlega hönnun þar sem helgimyndir mótuðust af jólagjafahugmyndum.