Kringlan tilnefnd til Árunnar 2023

Kringlan er tilnefnd til markaðsverðlauna Árunnar á vegum Ímark. Við erum svo stolt af rafrænu gjafakortunum okkar! Herferð Kringlunnar var unnin í samstarfi við Kontor auglýsingastofu og snéri að nýjung; rafræn gjafakort sem tóku gildi í október 2023.

Kringlan er fyrsta verslunarmiðstöð í heiminum til að gera viðskiptavinum kleift að vera með eitt rafrænt gjafakort fyrir alla verslunar – og þjónustuaðila Kringlunnar. Þessi nýja tæknilausn frá fyrirtækinu Leikbreyti gerir viðskiptavinum mögulegt að vera með gjafakortið í veskinu í símanum sínum og því alltaf með kortið á sér. Rafræn gjafakort er umhverfisvæn lausn þar sem ekki þarf plastkort og umbúðir líkt og áður.

Fimm auglýsingaherferðir eru tilnefndar til markaðsverðlaunanna Árunnar. Verðlaunin eru veitt árangursríkustu auglýsingaherferð ársins á ÍMARK deginum föstudaginn 1. mars nk.