Brooks Adrenaline GTS 20

SKU: 1202961b163

Adrenaline GTS er mjúkur og höggdempandi skór með innanfótarstuðning. Í þessari útgáfu er nýjasta kynslóðin af 'Guiderails' innanfótarstuðningnum sem fer einstaklega vel með hnén. Adrenaline er sú gerð sem hefur verið lengst í línunni hjá Brooks en þetta er tímamóta útgáfa eða sú tuttugasta í röðinni! Þó skórnir séu hannaðir sem hlaupaskór henta þeir frábærlega í göngur, vinnu og daglega notkun. Allur miðsólinn á Adrenaline inniheldur geldempun sem blandað er inn í frauðefnið. Það veitir jafnari höggdempun undir allan fótinn óháð niðurstigi á hæl, miðfót eða táberg. Í hælsvæðinu er 'DNA Loft' sem inniheldur mesta magnið af geli og er endingarmesta dempunarefnið. Restin af miðsólanum er úr 'BioMoGo DNA' sem veitir einnig góða höggdempun og er efnið sem hefur verið í Adrenaline undanfarin ár. Hönnunin á miðsólanum er gerð til að færa álagið úr niðurstiginu út til hliðanna og þar af leiðandi í burtu frá fætinum og líkamanum. Það minnkar þar með álag upp stoðkerfið og ver þvi hné, mjaðmir og bak einstaklega vel. Nýjasta kynslóðin af 'Guiderails' innanfótarstuðningnum er ólíkt öllu öðru á markaðnum. Hann var hannaður fyrst og fremst með hné í huga og hvernig hnjáliðirnir hreyfast miðað við fótinn. Við innanverðan hæl og framundir iljaboga er lengri og þéttari stuðningur en við utanverðan hæl er vægari og mýkri stuðningur til að halda hælnum, ökklanum og hnénu í sem bestu samvinnandi stöðu. Yfirbyggingin er úr svokölluðu 'Engineered Mesh' sem er ofið þéttar á þeim svæðum sem þurfa meiri styrk og stuðning en opnara á öðrum svæðum til að tryggja hámarks öndun. Adrenaline eru fáanlegir hjá okkur í mismunandi breiddum. Einnig eru '3D Fit Print' saumlausar stuðningslínur við hæl og miðfót sem veita aukinn stuðning án þess að þyngja skóna. Hælkappinn er stífur og stöðugur með mjúkri og þægilegri bólstrun sem veitir góðan stuðning í niðurstiginu, skórnir eru að sjálfsögðu með lausum innleggjum fyrir þá sem nota sérgerð innlegg. Adrenline er jafnframt fyrir byrjendur og vana hlaupara sem leitast eftir góðri vörn fyrir stoðkerfið og sérstaklega þá sem glíma við meiðsli eða verki í hnjám. Þeir eru fyrir hvaða vegalengd sem er. Til gamans má nefna að GTS í nafninu stendur fyrir Go-To-Shoe. ​Hæðarmismunur hæls og tábergs er 11mm og hann vegur 300g í stærð 42,5 herra og 266g í stærð 40 dömu. Áætluð ending er 800-1000km.
VerslunVerð kr.
Fætur togasale16,093
Skoða á vef Fætur toga

Verslun

Fætur toga

Hjá Fætur Toga starfa reynslumikið fagfólk sem hefur síðastliðin 10 ár tekið yfir 60.000 íslendinga í göngu- og hlaupagreiningu um allt land. Við vinnum náið með íþróttahreyfingunni og fagaðilum í heilbrigðisstétt. Einnig ferðumst við um landið með göngu- og hlaupagreiningar, kynningar og sölu á tengdum vörum.
Í verslun okka

Í verslun okkar sér fagfólk um göngugreiningar, fótskoðun, skóráðgjöf, skósölu og sölu fylgihluta. Einnig ráðleggur starfsfólk um hlaupafatnað, íþróttatoppa/brjóstahaldara og mælir með vörum fyrir fætur s.s. tábergspúða, upphækkanir, sérsmíðuð og stöðluð innlegg auk skóbreytinga. Við sérhæfum okkur í sölu á gæðavörum og leggjum metnað í góða þjónustu og sanngjörn verð.

Vörur

Fleira fyrir þig í Fætur toga