Ljósmyndasýning í göngugötu
Tólf konur úr íslensku samfélagi leggja átakinu lið og deila persónulegum sögum af leghálsskimun.
Ljósmyndasýningin er hluti af hvatningarátaki Samhæfingarstöðvar krabbameinsskimana og Heilsugæslu höfuðborgarsvæðisins um mikilvægi skimana fyrir leghálskrabbameini.
Í hópi kvennanna sem styðja átakið með þátttöku sinni í ljósmyndasýningunni eru Eliza Reid, forsetafrú, Brynhildur Guðjónsdóttir, Borgarleikhússtjóri, Þuríður Sigurðardóttir, söngkona og Ebba Katrín Finnsdóttir, leikkona. Sýningin stendur út febrúarmánuð í Kringlunni en hana og sögur allra kvennanna má einnig finna hér á vef Samhæfingarstöðvarinnar. Bolir með merki sýningarinnar eru til sölu á netinu og í völdum verslunum.
„Við hvetjum alla til að skoða sýninguna í Kringlunni eða á vefnum. Um leið hvetjum við konur að panta tíma þegar boð um skimun berst,“ segir Ágúst Ingi Ágústsson, yfirlæknir Samhæfingarstöðvar krabbameinsskimana.
Upplýsingar um skimun fyrir leghálskrabbameini er að finna á vef Samhæfingarstöðvar krabbameinsskimana, á Heilsuveru og hjá Embætti landlæknis.